Saturday, November 13, 2010

கூடைப்பந்து டோர்னமெண்ட்.

















பெரியவருக்கு இன்று கூடைப்பந்து டோர்னமெண்ட்.. தாய்லாந்தின் அனைத்து மாவட்டங்களிலிருந்தும் சுமார் 400 குழந்தைகள் பங்கேற்கும் போட்டி...

இவன் பள்ளியில் இருந்து நால்வர்...

இதுக்கான ஏற்பாடு கடந்த 1 மாதமாய் ..

நேற்றும் , அம்மா சீக்கிரம் தூங்குங்க.. காலை 4 மணிக்கே எழுந்து கிளம்பணும்... னு என்னை ஒரே தொந்தரவு..

3 மணிக்கு தூங்கினாலும் 4 மணிக்கு எழும்பிடுவேன் கவலைப்படாதே ன்னு சமாதானம் சொல்வதற்குள்..

காலை 5.30க்கெல்லாம் அந்த இடம் தேடி கண்டுபிடித்தோம்.. 6 மணிக்கு பதிவு..

ஜெகஜோதியாய் இருந்தது கூட்டம்.. வந்தவர் அனைவருக்கும் விடாமில்க் சார்பாக சட்டை கொடுத்தார்கள்.. எண்ணோடு.. பின் டீம் பிரித்து அனுப்பப்பட்டார்கள்... 8 கூடைப்பந்து மேட்ச் ஒரே நேரம் நடக்கும்.. ஒவ்வொரு பகுதியிலும் 12 மேட்ச்..

அதை பார்க்க எதை விட என தெரியாமல்...அத்தனை நன்றாக இருந்தது...

பெண் பிள்ளைகளும் அத்தனை அருமையா விளையாடினார்கள்.. ( நான் கல்லூரியில் பேட்மிண்டன் டோர்னமெண்ட் விளையாட கோவை சென்ற நியாபகம் வந்தது.. )

விளையாடும்போது அவ்வளவு வெறியோடு பந்தை கடத்தி கூடையில் போட்டாலும் , புன்னகை மாறாத குதூகலத்துடன் விளையாடினார்கள் ..

ஏற்கனவே சானல் 3 இதை ஒளிபரப்ப படம் எடுத்துக்கொண்டிருந்தது.. நான் என் மகனின் நட்புகளுக்கு , உணவு , ஜூஸ் என வாங்குவதில் பிஸியானேன்..

மகனின் நண்பரின் அப்பா, என் மகனுக்கு மிக அழகாக பாடம் எடுத்தார் பந்தை எப்படியெல்லாம் போடணும் என.. ( நல்ல தாய்மக்கள் )

இன்னொரு அம்மா , ஆங்கிலம் பேச தெரியாததால் அமைதியா புன்னகையோடு இருந்தார்..

எல்லா மேட்சும் பார்த்து ரசித்தாலும் வித்யாசமான பந்து கூடைக்குள் போடும்போது என்னை மீறி கைதட்டிக்கொண்டிருந்தேன்..

சிலர் ஆச்சர்யமா பார்த்தார்கள்.. இந்த பெண்மணி யார் டீம்.. எல்லா டீமுக்கும் கை தட்டுதே னு.. ஆமா , விளையாட்டை விளையாட்டாய் ரசித்தேன் ..

( நான் பள்ளி படிக்கும்போது கூடைப்பந்துக்கு செலக்ட் ஆனதுமே , அம்மா உடற்ப்யிற்சி ஆசிரியரிடம் கண்டிப்பா சொல்லிட்டாங்க, பிளஸ் 2 வில் மார்க் எடுக்கணும்.. ஆக இவளை விட்ருங்கன்னு.. தப்பிச்சேன்.. கான்வெண்ட் உடற்பயிற்சி ஆசிரியர்கள்னா , சாதம் ஹுசைனுக்கு சமம் அக்காலத்தில்..ஆனால் அது நல்லதுன்னு அப்புரம் புரிந்ததும்.. ) .

முதலில் ஆரம்ப விழாவில் பசங்களின் பிரேக் டான்ஸ் அசத்தல்.. கொரிய பசங்க மிக அற்புதமாய் நடனம்.. சான்சே இல்லை...

அடுத்து பாலே டான்ஸ் பெண்கள்.. பெண்களா அன்னங்களா வந்து போனது என இன்னும் சந்தேகம்.. அத்தனை அருமை...நளினம்..

எல்லாருக்கும் தேவைக்கதிகமாய் வைட்டா மில்க் வழங்கப்பட்டது...

மகன் பள்ளி விளையாடும் நேரம் வந்தது.. அருமையான போராட்ட ஆட்டம்.. இருவருமே போட்டி போட்டு மாத்தி மாத்தி எடுத்தார்கள்.. இறுதியில் எதிரணி வெற்றி பெற்றது ஒரு எண்ணிக்கை வித்யாசத்தில்.. நேரமும் முடிந்தது...அதிர்ஷ்டமில்லை.:)

எனக்கு பங்கு பெறுவதே போதுமானது. என்றாலும் சிறுவர்கள் மனது வருந்தியது . ஆறுதல் படுத்தினோம்.. இன்னும் பல டோர்னமெண்ட் அனுப்புவீர்களா என கேட்டுக்கொண்டார்கள் ( புத்திசாலிகள் .. )

சில சுவாரஸ்யம்..

1. ஒரு பையன் ஒரு காலில் கருப்பு ஷூ, மற்றொரு காலில் பிரவுண் ஷூ.. நான் சிரித்துக்கொண்டே யொசித்தேன்.. ஒருவேளை இருட்டில் போட்டதால் தெரியாமல் மாற்றி போட்டுட்டானோ என.. ஆனா யாரும் கண்டுக்கலை என்னை தவிர.. . சிறிது நேரத்தில் விடை கிடைத்தது.. அவன் தோழனும் அதே போல போட்டிருந்தான்.. நண்பேண்டா.....

2. அறிவிப்பாளர் ஒருவருக்கு கூந்தல் ( ஆண்தானுங்க ) நீளமாயிருந்தது.. ஒருவர் 2 ரப்பர்பேண்ட் எடுத்து வந்து மிக சீரியஸா தலையை சீவி குடுமி போட்டு விட்டார்... சத்தமாவா சிரிக்க முடியும்..?..

3. நாற்காலி கிடைத்தது என ஒரு இடத்தில் எடுத்து வந்து போட்டுவிட்டு தண்ணி எடுக்க காருக்கு போய்விட்டு வருவதற்குள் ஒரு சிறுவன் அருமையா குரட்டை விட்டு தூங்கிக்கொண்டிருந்தான் அதில்...

4. எல்லார் வாயிலும் பபுள்கம்...

5. ஒலிபெருக்கியில் டான்ஸ் மியூசிக் பாட்டு போட்டது மிக உற்சாகமாயிருந்தது...அனைவருக்குமே ஆட தோன்றியிருக்கும்..

6. தேசிய கீதம் போட்டதும் , எல்லாரும் போட்டது போட்டபடி , எடுத்தது எடுத்தபடி, சிலையாக அசையாமல் அங்கங்கே நின்றது , கண்ணீர் வரவழைக்கும் ஆனந்தம்...

7. பசங்க முதலில் பிரக்டிஸ் பண்ணும்போது அந்த கூடை உய்ரம் குதித்து அதை பிடித்து தொங்கும்போது விழுந்துருமோன்னு அடிக்கடி பயப்பட வைத்தார்கள்.. :)

( மகன் மேட்ச் முடிந்ததும் ஒருத்தர் மைக் தூக்கிகிட்டு அருகில் வந்துட்டார்..தாய் பேச தெரியுமான்னு ஆங்கிலத்தில் கேட்டார்.. தாய் பாஷையில் பதில் சொன்னேன் ஆமான்னு.. ரொம்ப மகிழ்ந்துட்டார் போல.. பையன் வயது படிப்பு பள்ளி பெயர் எல்லாம் கேட்டார்,.. கொஞ்சம் நம்பிக்கையில்லை போல.. மகன் உயரம் பார்த்து...

அடப்பாவமே தொலைக்காட்சியில் வருவேன்னு தெரிஞ்சா மேக்கப் லாம் போட்டிருப்பேனே ..அவ்வ்வ்..)


இப்ப தூக்கம் வருது .. 1 மணிநேரம் தூங்கினா அடுத்து சின்னவர் வருவதற்குள் அவரை கூட்டிட்டு வெளியே போகணும்.. )

இதுக்கெல்லாம் பின்னூட்டம் + ஓட்டு போடாம அந்த நேரத்துல நல்ல பதிவை படிங்க... :)

நன்றி
.

படம் : நன்றி..கூகுள்






..